الحلقة الرابعة (فيحاء "أنا" )

صحبتي التانيه مهندزه برضه بس من المهندزين التقال قوي بتعشق شغلها وبتعشق بلدها

ديما بحسها فيحااااااااااااااء..(لما بتقول لـ اللمبي "معلش" بسهوكه كده)

اكتشفت مؤخرا انها جزمه كبيره بتوقعك في الكلام وتقولها انت زعلان ليه وهي متقولكش زعلانه ليه

واكتشفت انها فضيحه ومبتسترش ابدااا ولو فسوه كده..بس البادي اظلم

صحبتي شنحفه كبيره وممكن نعتبرها مؤسسة رابطه الشناحف الفيسوسية..ملحوظة::الشناحف دا موضوع سنتلقاه في الحلقات القادمه

صحبتي من كتر حبها في الصعيد هتموووووووووت وتييجي تعيش عندنا ادعولها والنبي...احسن الموضوع قلب معاها باكتئاب حااد

آلاء


*******************

( فحاااااااااااااااء )

معرفتنا ببعض من وقت قصير

دى بقا اللى تشوفها من بعيد تخاف تقربلها اصلا

 

 

حاجة كده غامضة و لها هيبة وعظمة وبتتكلم ف كل حاجة اللى تفهمه واللى ماتفهموش  (هما المهندسين كده اسألونى انا )

ليبرالية زنديقة ماشية ف ديل البرادعى الكافر

لو شوفت اى  خناقة مع اخوانى ف مكان ابحث عن فيحاء اولا

معلمة ع اخوان وسلف الفيس كلهم

بتفكرنى بسوكة وهى ماسكة العيال ونازله فيهم ضرب

حبتها من ثورتها ع المجتمع

بس اما قربت لاقيتها واقعة وهتموت وتتجوز ( زى كل البنات )

 

ســـــــــــــارة

الحلقة التالتة (سارة)

سارة...

 

 

طفله لمضة..وبنوته روشه..وصعيدية شحط محط....

صحبتنا مهندزه آآآد الدنيا..المرة الوحيدة الي حسيت فيها انها مهندزه لما قالتلي انها بتكمل دراسة والكلام الكبير دا..ونقطة ومن أول السطر ... معادتش بتجيب سيرة ..جايز نسيت بقى..والنبي اسألوها كنتي بتحضري ايه !!!!

كنت بحقد على البت دي أيام الدراسه كانت تروش نفسها وفي نفس الوقت تلاقيها مبتبطلش دح :D

خير اللهم اجعله خير افتح الفيس بتكون الدنيا هسسسسسسسس..متعديش خمس دقايق ألاقي ساسو هنا (هييييييييييييه)

بموووت في خلقها الضيق..وبحب استفزها علشان عصبيتها حلوة..

هتموووت وتحب في قصة حب (حد يفهمها ان الحب مرمطة) ... بس لازم تتمرمط بنفسها علشان أشمت فيها وأشوفها بتسهر الليالي وتعد النجووم وتقول أنا الي جبت دا كله لنفسي

بتعجبني انها ديما معايا في نفس اللاين عند موود معين لما نقول عياااااااااال يللا نحكي حاجه حلوة ..حاجه حلوة ..حاجه حلوة هههههههههههههههههههه

كانت معكم : آلاء

 

أحلى حاجة في آلاء انها مبتشردش حد ... مؤدبة يابنتي وبنت ناس من يومك :*

لكن أنا بقى يا سارة مش آلاء وهاشردك يعني هاشردك ... وعيزاكي تبقي تزعلي بقى وتعيطي وتشدي في شعرك (فاكرة شعرك يابت ولا أفكرك بيه ) ... مستعدة ياحبي ؟؟؟؟

 

ساره .......

أنا معرفهاش من زمان ... أعرفها من زمان بس كانت علاقتنا فيس بوكية تقوم على اللايك والكومنت في الأساس لكن مبدأناش نتكلم إلا قريب ... عرفتها عن طريق آلاء (كانت معرفة سوده) .... هي وآلاء تافهين وبيزعلوا من بعض على حاجات تافهة وكمان بيتخاصموا زي الأطفال وأنا باضحك عليهم ... اممممممم البت ساره شكلها عصبيه ومخها صعيدي ... معرفش أنا ايه ماسورة الصعايدة اللي انفجرت في وشي دي ... اللهم لا اعتراض .... 

 

سارة بقى كهربائي أد الدنيا عشان كده دايما تحسوا ان السلوك عندها ملامسه بعضها حبتين

لسانها طويل ... هي فاكرة ان دي لماضة بس مسيرها تقتنع ان دي قلة أدب ...  بالذمة دي أخلاق بنات !!!

أنا وسارة دايما نخون آلاء ونروح نتكلم في السياسة برايفت من وراها :D
وأنا زعلت من سارة عشان معملتش توكيل الحزب (حزب الكستور) أصل ساره عقبال أملتكم من العيال الزناديق اللي ماشيين ورا البرادعي وبتشتغل مهندزة كهربا الصبح وبالليل محللة سياسية معايا :D
وباتخنق كمان عشان أول ما آلاء تنام البت سارة بتقوم تنام في ديلها على طول ويغوروا هما ال 2 ويسيبوني لوحدي :(


كانت معكم : فيحاء (أنا) ونترك المايك لـ سارس قصدي سارة .. (حدش يفهمني غلط) عشان تقطع فينا برايفت بعد ما تقرا الحلقة :D

 نهاية الحلقة التالتة

 

 

 

الحلقة التانية (آلاء)

هزرنا  كتير في الحلقة الأولى ومطلعناش منها بحاجة مفيدة ... ندخل ع الجد بقى

احم احم  ...

نبقى قاعدين بنرغي سوا في آمان الله ألقى سارة بتقوللي هي آلاء راحت فين ؟!
أنا : أكيد ماتت
سارة : كانت طيبة والله
أنا :ياللا الله يرحمها

واذ فجأة واحنا بناخد العزا في البُنية نلقى براشوت هابط علينا تقول "كنت بابيع" .... طبعا دي آلاء ... بتبيع بقى شامبوهات وفلايات ومعجون اسنان وبامبرز وكل اللي نفسك فيه هتلاقيه  وكمان بتبيع فياجرا (ايه ده هو احنا هنبدأ قلة الأدب من دلوقتي ... والله بقى هي اللي دايما تحكيلي عن حجم مبيعات الفياجرا عندها  .... بت قليلة الأدب صحيح ) ...

احم احم (نظرة جادة ونرجع لموضوعنا بلاش قلة ادب)
آلاء بقى اسم الله عليها الله اكبر الله أكبر خمسة وخميسة .. صيدلانية ... أيووووووووه وكمان عندها صيدلية وطبعا كل اللي هيعرف كده هيحقد على البت ويفتكرها معاها فلوس أد كده ... أحب أطمنكم جميعا انها مفلسة زي حالاتنا ... بس أهو الصيت ولا الغنى :D

آلاء من النوع اللي كرامته بتنقح عليه حبتين بس من جواها ناعمة وقوية وكلها حنية  .... وبتكابر كتير وبتعاند  وبتعمل نفسها سبع رجاله في بعض ولما بتكلم عن مشاعرها تجاه (her S) مبتقولش الواطية كل حاجة بصراحه بس على ميييييييييين أنا فاهمه كل حاجة من غير ماهي تقول

بمناسبة (her S)  ... اتعرفت آلاء عليه في ظروف غامضة :D
صحيت من النوم في يوم وباسأل سارة  "فين آلاء" قالتلي "خطوبتها النهاردة " ... طيب على مين وازاي وامتى وفين دي كانت لسه معايا ومقالتش حاجه .. سارة قالت ان كل حاجة جت بسرعة .. هو مش بسرعه بس لأ هو بسرعة الريح في 5 أيام  ... وعشان كده بقى باعتبر ان آلاء و (her S) اتعرفوا واتخطبوا في ظروف غامضة

كان نفسي أحقد عليها لما اتخطبت بس الصدمة مدتنيش فرصة أحقد :( .. معلش بقى تتعوض مع سارة ان شاء الله

كانت معكم

ايناس (معرفش هما ناويين يسموني ايش في قصتنا الأسطورية)

 آلاء .... صاحبتى اللى بتفتح الفيس علشان تبيع
اللى بفضل اكلمها ساعة وف الاخر ترد عليا بايموشن (بحس انى ممكن اتشل ساعتها )

انا اصلا مش عارفة ايه اللى مصبرنى عليا

يلا اهو ثواب وبكسبه فيها

تشوفها من بعيد تقول البنت دى لوح تلج

بس لازم تقربلها علشان تعرفها كويس

شخصية لازم تشدك

 

وكل ماتقرب تشدك اكتر

هتلاقيها العاقلة الكاملة (سامحنى يارب ) اللى تقدر تعتمد عليها

بس بعد ماتديك فوق دماغك تقول : كانت وقعة مربرة يوم ماعرفتك J

بدايتنا سوا كانت خناقة مكوة ف سكن الطالبات من 5 سنين( انا مش فاكرة الموضوع ده خالص والحمد لله )

دلوقتى مش بشوفها خالص لكن كأننا عايشين سوا ف كل تفاصيل حياتنا

علاقتنا اوقات كتير بحس ان انا اللى ماسكاها ولو فلت ايدى هتنهار 

بس ارجع واقول انها احلى حد عرفته (سامحنى يارب تانى )

هي ونورا طبعا :)

 

كانت معكم : سارة

نهاية الحلقة التانية

 

 

 

 

الحلقة الأولى

صحباتي العزيزات .... باصبح عليكم بعد ليلة من  أكتر الليالي كآبة في علاقتنا ... قضينا النهارده ساعات جميلة ورومانسية سوا بنرش اكتئاب ونكد في وش بعض  لغاية ما حسينا اننا هنرجع اكتئاب في وش اي حد يقابلنا (يعععععع) ولكن لا بأس :D

عجبني الاقتراح اللي قالته "آلاء" في آخر سهرتنا المقرفة سوا  .... اننا نكتب عننا .. وقررت أركن اللا ادراك بتاعي على جنب وأكتب عننا نحن البنات الواقعين :* :*

هابدأ بـ "آلاء" بما انها أول حد مننا جبت سيرته

قمر ياخواتي :*

هي أصلا اسمها "شيماء" بس قررنا نخليها "آلاء" عشان الفضايح اللي هنقولها وممكن خطيبها "اس" يفركش الخطوبة بسببها (ربنا يقدرنا على فعل الخير ياحبي)
هي طبعا موصياني أكتب عنها انها أختنا الكبيرة العاقلة اللي بتحبنا وتحتوينا وتخاف علينا وفاكرة نفسها "ماما نونا" ... طيب بالذمة  دي أشكال يطلع منها الكلام ده !!!!


العضو التاني في العلاقة الحلزونية بتاعتنا "سارة"

 

 

و زي مانتو شايفين في الصورة "مي" قصدي "سارة" هي حد زي القمر وبتستحمى كل يوم وبتنقع شعرها في البرسيل ... يوووووه قصدي الشامبوووو ... ونصحناها كتير تسرحه بس هي دايما تقول ان دي موضة "قصر ديل" وأحلى مافيها طبعا شعرها وميغركوش انها بتغسل المواعين بشعرها ... ده ياما الشعر ده جاب رجاله بشنبات الأرض ... اسألوني أنا :D

سارة كانت عيزاني أطلعها في القصة "منى زكي في فيلم أبو علي" بالشعر ده ياسارة !!! ياشيخة اتقي الله :D

 

 

أما أنا ..................



أنا البرنسيس اللي فيهم ...سووو كيوووووت أنا ... بنت ناس وزي القمر وليدي كده ومقولكمش بقى على رقتي وذوقي ورشاقتي وثقافتي وكل البنات بيغيروا مني  وعندي 24 سنه ومش مرتبطة ورقم تليفوني ................ (بس اوعوا حد يقول لـ .......)

نهاية الحلقة الأولى

كانت معكم عبر الكيبورد ايناس